Në kryeqytetin serb, Beograd, studentët kanë lënë sërish mësimin në shenjë proteste dhe kanë nisur demonstratat masive, pas tragjedisë në Novi Sad, ku ndërruan jetë 15 persona. Studentët kërkojnë përgjegjësi për tragjedinë e ndodhur në nëntor, ku pati viktima, pasi u shemb çatia e stacionit të trenit.
Studentët kanë nisur bllokadën nga ora 10 dhe kanë thënë se do ta mbajnë të bllokuar kryeqytetin për së paku 24 orë. Me këtë veprim ata kërkojnë plotësimin e të gjitha kërkesave që kanë të bëjnë me rënien e çatisë në Novi Sad. Qarkullimi në rrugë është bllokuar dhe studentët fillimisht janë grumbulluar në disa vende, nga ku janë drejtuar në drejtime të ndryshme drejt lokacionit kryesor. Ata ftuan qytetarët t’i bashkohen.
Në bllokadë janë edhe çiklistë dhe traktoristë të ardhur për të mbështetur studentët. Traktorët po bëjnë xhiro në rrugë dhe mes dy traktorëve është vendosur një pankartë “Pa studentë dhe fermerë nuk ka këngë e marsh”.
foto galeri foto galeri foto galeri foto galeri foto galeri foto galeri foto galeri 1234567PreviousNext
Autostrada është e kalueshme, por ka shumë studentë në zonat përreth rrugës. Studentët luajnë futboll, pushojnë në diell dhe gjithçka shoqërohet me zhurmën shurdhuese të sirenave, bilbilave dhe vuvuzelave.
Aktori dhe profesori asistent në Fakultetin e Arteve Dramatike, Petar Bençina , tha për N1 se këta studentë janë një brez i matur, por i ashpër, që kanë grumbulluar përvojën e të moshuarve dhe sot kanë kërkesa të qarta dhe të thjeshta. Studentët u bëjnë thirrje qytetarëve për të ardhur në grevë të përgjithshme. Në protestë morën pjesë edhe aktorë serbë. Prej kohësh, presidenti serb Aleksandër Vuçiç përballet me protesta masive në mbarë vendin.
