Kryeministri Edi Rama ka mbledhur Kryesinë e Partisë Socialiste për të diskutuar mbi organizimin e zgjedhjeve parlamentare të 11 majit 2025. Në fokus të takimit ishin ndryshimet në drejtimin politik të qarqeve, një lëvizje që synon forcimin e strukturave në qarqet kryesore.
Blendi Klosi është emëruar drejtues politik i Qarkut të Dibrës, duke zëvendësuar Blendi Gonxhen, i cili tashmë do të jetë përgjegjës për organizimin e fushatës elektorale në Qarkun Tiranë. Gonxhe do të bashkëpunojë me ekipin e përbërë nga Ogerta Manastirliu, Elisa Spiropali dhe kryetarin e Bashkisë së Tiranës, Erion Veliaj, me fokus të veçantë zonën e Kombinatit.
Ndërkohë, ministri i Mbrojtjes, Pirro Vengu, është caktuar si i angazhuar në Qarkun e Vlorës përkrah Bledi Çuçit, për të organizuar strukturat e PS-së në këtë zonë.
