Kryeministri Edi Rama ka mbledhur Kryesinë e Partisë Socialiste në selinë rozë, ku fokusi kryesor ishte organizimi i zgjedhjeve parlamentare të 11 majit 2025.
Në këtë takim, është diskutuar për ndryshime në drejtimin politik të qarqeve. Sipas raportimeve, Blendi Klosi pritet të emërohet si drejtues politik i Qarkut Dibër, duke zëvendësuar Blendi Gonxhen. Ky i fundit do të marrë përsipër organizimin e fushatës elektorale në Qarkun Tiranë, duke iu bashkuar ekipit të përbërë nga Ogerta Manastirliu, Elisa Spiropali dhe kryetari i Bashkisë së Tiranës, Erion Veliaj.
Ky riorganizim duket se synon forcimin e strukturave të PS-së në qarqet kryesore, duke i dhënë një rëndësi të veçantë Qarkut Tiranë si bastion elektoral.
