Në Shqipëri, qeveria ka intensifikuar fushatën elektorale duke zhvilluar takime në çdo qark të vendit, me synim angazhimin e drejtpërdrejtë të votuesve dhe forcimin e mbështetjes popullore. Kryeministri, drejtuesit politikë të qarqeve dhe ministrat e tij janë të pranishëm në terren, duke promovuar “arritjet” e qeverisë dhe premtuar projekte të reja për të ardhmen. Ndërkohë, opozita duket e përqendruar në çështje të brendshme, ku problemet personale të liderit historik Sali Berisha dhe ish-deputetit Ervin Salianji kanë marrë vëmendjen kryesore. Kjo situatë dobëson përpjekjen e opozitës për t’u fokusuar te betejat më të gjera politike dhe elektorale.
