Drejtoria Vendore e Policisë Vlorë ka reaguar pas një video të publikuar sot në rrjetet sociale, ku shfaqet një punonjës policie. Punonjësi i angazhuar si trupë shërbimi roje në një pikë bllokimi automjetesh në Ksamil, duke mbajtur në dorë armën e shërbimit gjatë një mosmarrëveshjeje verbale me disa qytetarë.
"Me publikimin e rastit, punonjësi i Policisë, inspektor A. I., me detyrë trupë shërbimi në Seksionin e Rendit në Komisariatin e Policisë Sarandë është pezulluar menjëherë nga detyra dhe ndaj tij ka nisur hetimi disiplinor, deri në sqarimin e plotë të rrethanave të ngjarjes"- thuhet në njoftimin e policisë.
Ngjarja u bë publike pas denoncimit të një qytetari i cili publikoi gjithë ngjarjen përmes filmimit të saj.
