Pedagogia Enriketa Papa ka reaguar me tone ironike ndaj reklamës së fundit të Bankës Kombëtare Tregtare. Në një postim në Facebook, ajo e ka quajtur videon promocionale “Përralla me trendafila”, ndlrsa thotë se është ndërtuar mbi një nostalgji të rreme dhe shtrembërim të së kaluarës.
“Një reklamë e mbushur me falsitete, histori të rreme dhe nostalgji për të kaluarën, ku trendafili, parafabrikatet dhe televizori paraqiten si ‘mrekulli teknologjike’, kur në të vërtetë ishin inxhinieri dhune,” shkruan Papa.
Ajo vë në dyshim edhe pretendimin e bankës për një histori 100-vjeçare, ndërsa thekson se as vetë institucioni nuk e di kur është hapur selia ku ndodhet aktualisht. “Na mbyti falsiteti dhe historitë me rrena,” përfundon reagimin e saj pedagogia.
Postimi i plotë i Enriketa Papa:
Përralla me trendafila!
Një reklamë e mbushur me falsitete, histori të rreme dhe nostalgji për të kaluarën, ku trendafili, parafabrikatet dhe televizori paraqiten si “mrekulli teknologjike”, kur në të vërtetë ishin inxhinieri dhune!
Një reklamë që pretendon 100 vjet histori për një bankë që s’di as kur është hapur selia në të cilën ndodhet sot. Ndaj shfaq një histori të paqenë.
Na mbyti falsiteti dhe historitë me rrena!
