Nesër mbahet seanca parlamentare e radhës dhe PD sot kërkoi futjen në rend të ditës votimin për dërgimin e mandatit të deputetes Olta Xhaçka në Gjykatë Kushtetuese.
Kjo kërkesë vjen pasi të gjitha palët janë njohur me opinionin e Komisionit të Venecias lidhur me çështjen.
Kërkesa u parashtrua në Konferencën e Kryetarëve, por ajo u refuzua nga përfaqësuesit e mazhorancës. Aktualisht, mbeten vetëm tre seanca plenare për këtë vit kalendarik, ndërsa çështja e mandatit të Xhaçkës pritet të dominojë debatin politik në vijim.
Në të njëjtën seancë, opozita kërkoi edhe një interpelancë me kryeministrin Edi Rama për çështjen e dëmshpërblimit të biznesmenit Francesco Becchetti, por edhe kjo kërkesë nuk mori miratim nga mazhoranca.
