“Nëse keni vendosur të garoni në primare, duke u përfshirë në rrethin e kandidaturave elektorale, brenda ditës së diel, datë 26 janar 2025, duhet të depozitoni dorëheqjen tuaj nga pozicioni i kryetarit të degës pranë Sekretariatit të Organizimit” – kështu thuhet në një mesazh që është shpërndarë sot nga selia qendrore e PD për degët e kësaj partie.
Primaret, një premtim i Sali Berishës dhe i kontestuar deri diku nga Gazment Bardhi, duket se do të realizohen gjatë javëve në vazhdim. Nuk dihet nëse drejtuesit politikë të qarqeve do t’i nënshtrohen procesit të primareve, ndërsa një ditë më parë deputetë pranë kryetarit të grupit parlamentar thanë që parashikohet që kjo të mos ndodhë.
Ditën e djeshme u miratua dhe numri i përgjithshëm i kandidatëve për deputetë që partitë politike duhet të paraqesin në listat që do të dorëzojnë në Komisionin Qendror të Zgjedhjeve.
Sipas KQZ, listat për deputetë do të duhet të përmbajnë 186 emra kandidatësh, të ndara në 12 qarqet e vendit sipas mandateve respektive.
46 kandidatë pritet të jenë në listë të mbyllur, ndërkohë që 146 të tjerët do të jenë në listë të hapur.
