Një avion tjetër i llojit Boeing 737-800 nga kompania Jeju Air ka hasur probleme me pajisjen e uljes gjatë një fluturimi të brendshëm në Korenë e Jugut. Avioni, që ishte nisur nga aeroporti Gibo i Seulit me destinacion Jeju, u detyrua të kthehej dhe të kryente një ulje emergjente të sigurt në aeroportin e nisjes. Në bord ndodheshin 41 pasagjerë, të cilët nuk raportuan lëndime.
Ky incident ndodh vetëm pak ditë pas tragjedisë që solli humbjen e 179 personave, kur një tjetër avion Boeing 737-800 u rrëzua gjatë një uljeje emergjente në qytetin Muan.
Aktualisht, flota e Jeju Air përbëhet nga 41 avionë, prej të cilëve 39 janë të llojit Boeing 737-800. Autoritetet koreane kanë njoftuar se po planifikojnë inspektime të veçanta për të gjithë avionët e këtij modeli që operojnë në vend.
“Një total prej 101 avionësh Boeing 737-800 janë aktualisht në përdorim në Korenë e Jugut. Po shqyrtojmë opsionet për të kryer inspektime të posaçme për të garantuar sigurinë e tyre,” deklaroi Joo Jong-wan, një zyrtar përgjegjës për aviacionin civil në Ministrinë e Transportit.
Autoritetet pritet të zbulojnë detaje të tjera rreth hetimeve në ditët në vijim, duke theksuar rëndësinë e garantimit të sigurisë për pasagjerët dhe ekuipazhin.
