Gazetari Artan Hoxha ka reaguar sërish në lidhje me masat e sigurimit të lëshuara nga Prokuroria e Posaçme për përfshirje në krim të organizuar.
Në reagimin për emisionin "Opinion", Hoxha tha se nuk ka kryer asnjë krim dhe se kontrolli i ushtruar ndaj tij dhe kolegëve të tij ka qenë i paligjshëm. Më tej ai tha se është i paqartë për arsyet që kanë çuar në këto masa dhe i bëri thirrje autoriteteve të sqarojnë situatën.
“Brenda një kohe të shkurtër, shtëpia ime është bastisur dy herë nga SPAK. Prej 19 viteve punë pa ndërprerje duke zënë me dorë thuajse të gjitha grupet kriminale në Shqipëri dhe jo vetëm, sinqerisht jam habitur për një masë të tillë të firmosur nga njerëz që unë kam besuar që i kam mbështetur fuqimisht në detyrën e tyre kundër elementëve kriminalë. Këtë gjë e di më së miri Vladimir Mara, Altin Dumani dhe e gjithë trupa e prokurorëve të SPAK dhe atyre të Republikës së Shqipërisë.
Edhe njëherë faleminderit prej çdo kolegu. S’kam kryer asnjë krim në detyrën time të ushtruar me krenari pranë grupit mediat Shqiptarja.com, shkollës së gazetarisë investigative dhe kronikës së zezë në Shqipëri. Na morën telefonat në mëngjes dhe pastaj na kanë bërë kontroll banese. Na thanë që kontrolli është i paligjshëm dhe na kthyen telefonët, laptopët, iPad-et, flashet dhe hard disqet”, thuhet në reagimin e Hoxhës”, tha Hoxha.
