Mark Zuckerberg, Drejtori Ekzekutiv dhe bashkëthemelues i Meta, ka arritur një sukses të ri financiar, duke u ngjitur në vendin e dytë në listën e miliarderëve botërorë të përpiluar nga Bloomberg. Pasuria neto e tij ka arritur në 206.2 miliardë dollarë, duke tejkaluar Jeff Bezos të Amazon me një diferencë prej 1.1 miliardë paund, por ende mbetet 50 miliardë dollarë pas Elon Musk, njeriut më të pasur në botë dhe drejtuesit të Tesla dhe SpaceX.
Rritja e pasurisë së Zuckerberg ka ardhur si rezultat i rritjes së vlerës së aksioneve të Meta-s. Vlera e tregut të kompanisë u rrit me 10%, duke arritur në 1.45 trilion dollarë, ndërsa aksionet e saj arritën një nivel rekord prej 582.77 dollarë. Kjo rritje u nxitur nga zhvillimet e fundit teknologjike të Meta-s, përfshirë zbulimin e syzeve të reja të realitetit të shtuar, të quajtura Orion, dhe avancimet në inteligjencën artificiale të integruara në shërbimet e kompanisë.
Meta raportoi në shtator se mbi 400 milionë përdorues po përdornin shërbimet e saj të inteligjencës artificiale çdo muaj, ndërsa 185 milionë prej tyre rikthehen çdo javë. Këto përparime teknologjike kanë ndikuar në fuqizimin e kompanisë dhe rritjen e pasurisë së Zuckerberg.
