Ministrit të Brendshëm të Kosovës, Xhelal Zveçla i ndalohet hyrja në Luginën e Preshevës. Lajmin e ka bërë të ditur Ministria e Jashtme e Kosovës, ku sipas njoftimit zyrtar, ministri Sveçla kishte paralajmëruar më 23 dhe 24 dhjetor një vizitë zyrtare në Luginë e Medvegjës.
Qëllimi i vizitës së Sveçlës thuhet të ketë qenë takimi me përfaqësues të Këshillit Kombëtar të Shqiptarëve të Luginës. “Si pretekst për refuzimin ndaj Sveçlës janë theksuar qëndrimet dhe veprimet e tij, qe sipas Qeverisë së Serbisë, janë të drejtuara kundër komunitetit serb në Republikën e Kosovës si dhe kundër normalizimit, paqes dhe stabilitetit, theksohet ne njoftim.
Ndërkaq, qeveria e Kosovës ka ndarë mbi 1 milion euro mbështetje për të gjitha familjet shqiptare nga Presheva, Medvegja dhe Bujanoci, qё nё mënyrë aktive merren me bujqësi. Po ashtu është aprovuar edhe kërkesa e Ministrisë së Financave, Punës dhe Transfereve për kursime dhe ndarje.
Ndërsa Shqipëria edhe pse me buxhet më të madh në histori, nuk ka marrë asnjë iniciativë buxhetore për shqiptarët e Luginës së Preshevës që po persekutohen nga Serbia në të gjitha format. Për më tepër në takimin e dy Kuvendeve në Kosovë, Albin Kurti në fjalimin e tij i bëri thirrje Edi Ramës që të bënte të njëjtën gjë që po bën Kosova, por mesa duket fjalët kanë rënë në vesh të shurdhët.
