Konsullata Turke në Selanik, Greqi, është sulmuar me bomba molotov nga persona të maskuar në orët e para të mëngjesit. Sulmi ndodhi rreth orës 5:00, ndërsa autorët kishin mbuluar fytyrat për të shmangur identifikimin. Pas incidentit, policia greke ndërhyri menjëherë dhe arrestoi katër persona të dyshuar për përfshirje në këtë akt të dhunshëm. Hetimet për ngjarjen janë në vazhdim.
