Disa persona kanë mbetur të plagosur rëndë pas një konflikti të dhunshëm me mjete të forta në zonën turistike të Lumit të Shalës.
Ngjarja ka ndodhur rreth orës 02:00 të mëngjesit, ku sipas informacioneve paraprake, konflikti ka shpërthyer mes disa të rinjve shqiptarë turistë dhe disa personave të tjerë që ushtrojnë aktivitet biznesi në zonë.
Përplasja ka zgjatur disa minuta dhe ka shkaktuar panik te pushuesit, ndërsa gjatë konfliktit janë përdorur mjete të forta që kanë sjellë dëmtime serioze te disa prej të përfshirëve.
Policia ndodhet në vendngjarje dhe po punon për identifikimin dhe shoqërimin e personave të përfshirë në konflikt, si dhe për sqarimin e rrethanave të plota të ngjarjes.
