Në përpjekje për t’i afruar izraelitët më pranë varkës pasi ishin tërhequr më tej nga rrymat e forta, Anamali u hodh vetë në ujë.
Trupi i pajetë i Arben Anamali u gjet në Liqenin e Shkodrës të enjten në mëngjes, pasi u zhduk gjatë përpjekjes për të shpëtuar dy turistë izraelitë, të cilët u morën nga rrymat e liqenit më herët gjatë javës, sipas mediave lokale.
Anamali, kapiten i një varke turistike që operonte nga qyteti verior i Shkodrës, kishte nxjerrë një grup turistësh në Liqenin e Shkodrës në fillim të javës, përfshirë shtatë shtetas izraelitë. Dy prej tyre u hodhën në ujë duke injoruar paralajmërimet e tij për rrymat e forta dhe shumë shpejt u gjendën në rrezik mbytjeje.
U hodhën jelekë shpëtimi, përfshirë edhe atë të Anamalit, por pa rezultat.
Në përpjekje për t’i afruar sërish pranë varkës, Anamali u hodh vetë në ujë. Ai ia doli t’i ndihmonte izraelitët të ngjiteshin përsëri në varkë, përpara se të zhdukej nën ujë.
Pas gati 48 orësh kërkimesh, trupi i Anamalit u gjet.
Dyshohet se Anamali pësoi arrest kardiak si pasojë e rraskapitjes fizike dhe përpjekjes ekstreme pas shpëtimit. Trupi i tij u dërgua në spitalin rajonal të Shkodrës për ekzaminime të mëtejshme.
Anamali lë pas dy fëmijë.
"Dëshmor i Kombit"
Anamali është nderuar pas vdekjes nga qeveria shqiptare me titullin "Dëshmor i Kombit", sipas Albanian Times, një nga nderimet më të larta në Shqipëri për ata që humbin jetën në akte trimërie.
Burimi: The Jerusalem Post
