Procesi in vitro ofrohet falas në maternitetin “Koço Gliozheni”, duke mbuluar të gjitha kostot e procedurës dhe medikamenteve të nevojshme. Me paketën që ka akorduar qeveria shqiptare, mbulohen shpenzimet për dy procedura. Pra nëse dështon procedura e parë, ky çift ka të drejtë të bëjë dhe një procedurë të dytë. Pas dështimit të procedurës të dytë ky çift pastaj ka një përqindje të ulët. Dy procedurat janë falas dhe të gjitha çfarë nevojiten janë falas.
shendeti.com.al zbardh për të gjithë qytetarët e interesuar kriteret që duhet të përmbushin çiftet që do ti nënshtrohen teknikave të art (rma) në strukturat publike.
Përpara se të fillohet proçesi i RMA, ekipi duhet të vlerësojë që çifti të ketë shanse të arsyeshme për të arritur një shtatëzani nëpërmjet aplikimit te teknikave te RMA dhe të justifikohet kosto-benefiti i përdorimit të financave publike për rimbursim.
