Gjykata e Brindisit ka dënuar me gjithsej mbi 80 vite burg një grup italo-shqiptar të përfshirë në trafikun e kokainës dhe heroinës nga Holanda drejt tregut italian, si dhe në shpërndarjen e drogës dhe zhvatje me metoda mafioze.
Hetimet, të koordinuara nga prokurorja Giovanna Cannarile (Lecce DDA), nisën pas operacionit “Tackle” të Guardia di Finanza më 22 janar 2022, gjatë të cilit u ekzekutuan 23 urdhra ndalimi. Në fokus të hetimeve ishte edhe Pierluigi Chionna, një figurë kyçe që tashmë është bërë dëshmitar bashkëpunues i drejtësisë.
Vendimet e gjykatës për të dënuarit:
- Kujtim Metaj (60 vjeç, shqiptar): 22 vite e 6 muaj burg
- Adrian Boci (35 vjeç, shqiptar): 13 vite e 6 muaj burg
- Romeo Myftari (43 vjeç, shqiptar): 12 vite burg
- Fabrizio Russo (48 vjeç, italian): 9 vite e 9 muaj burg dhe 11,500 euro gjobë
- Salvatore Schiavone (34 vjeç, italian): 8 vite burg dhe 8,000 euro gjobë
- Roberto Mazzuti (49 vjeç, italian): 8 vite burg dhe 8,000 euro gjobë
- Salvatore Chionna (47 vjeç, italian): 7 vite burg dhe 30,000 euro gjobë
Të dënuarit akuzohen për pjesëmarrje në një organizatë ndërkombëtare trafiku droge, posedim dhe shpërndarje droge, si dhe zhvatje të rënduar me metoda mafioze. Gjithashtu, të gjithë të pandehurve u është ndaluar mbajtja e posteve publike.
