Zbulohet e shkuara e Alban Mucës, i cili u arrestua pak ditë më parë në Berat pasi hiqej si prokuror i SPAK dhe zhvaste qytetarët.
Në 2003 ai rezulton të jetë dënuar me 15 vite burgim shtirej si prokuror i Prokurorisë së Përgjithshme me emrin Ermes Dauti.
Gjykata e Fierit e dënoi atëkohe për akuzat e falsifikimit të dokumenteve zyrtare, heqje të paligjshme të lirisë së tjetrit, mbajtje të padrejtë të titullit apo detyrës shtetërore.
Nuk dihet nëse e ka vuajtur dënimin e plotë apo cka ndodhur me të përgjatë këtyre viteve, por fakt është që kohët e fundit ai i ishte kthyer vesit të vjeter. Sipas prokurorisë u paraqit në zyrat e Agjencisë Shtetërore të Kadastrës (ASHK) në qytetin e Beratit, duke pretenduar se ishte prokuror në Prokurorinë e Posaçme Antikorrupsion (SPAK) dhe premtonte të ndërhynte në zgjidhjen e çështjeve apo problematikave kundrejt parave. Policia e arrestoi nën dyshimet për përvetësim të titullit shtetëror dhe mashtrimit.
