Në seancën e zhvilluar sot në Gjykatën e Posaçme, masat e sigurisë për ish-deputetin Jurgis Çyrbja janë rivlerësuar dhe janë lënë në fuqi me masën “Arrest me burg”.
Vendimi i Gjykatës së Posaçme të Shkallës së Parë për Korrupsionin dhe Krimin e Organizuar, me numër akti 126, datë 20.10.2024, konfirmon vazhdimin e masës së sigurisë për Çyrbjan, i dyshuar për kryerjen e veprave penale si “Tregimi i sekretit shtetëror nga shtetasit”, “Përkrahja e autorit të krimit” dhe “Korrupsioni aktiv në zgjedhje”.
Prokuroria e Posaçme e ka akuzuar atë për veprime të kryera më shumë se një herë në bashkëpunim me të hetuarin Ahmet Masha. Këto akuza lidhen me veprimtari që përfshijnë tregtimin e informacionit të klasifikuar dhe aktivitete korruptive gjatë procesit zgjedhor.
