Ilir Meta u arrestua këtë të hënë me urdhër të SPAK. Ish-presidenti u prangos në afërsi të kthesës së Kamzës, nën dyshimet për disa vepra penale. Kreu i Partisë së Lirisë akuzohet për korrupsion, mosdeklarim dhe pastrim produkti.
Ai ishte nisur për në selinë e tij, pasi kishte njoftuar një konferencë për shtyp. Burime pranë SPAK thanë për VNA se Meta dyshohet për transaksione, por edhe ndikime në lidhje me aferën. Ilir Meta kohët e fundit kishte shpërthyer në akuza të forta ndaj SPAK dhe Altin Dumanit. Për momentin, SPAK s’ka reaguar, por pritet të ketë deklaratë në orët në vijim.
