Gjermania ka mposhtur Danimarkën me rezultatin 2-0 duke u kualifikuar kështu në çerekfinalen e Europianit. Gjermanët realizuan që në minutën e 4 me Schlotterbeck, por gëzimi zgjati pak pasi goli u anullua për faull. Nga ana tjetër edhe danezët luajtën mirë duke krijuar raste, por nuk gjetën dot rrugën e rrjetës.
Në minutën e 35 sfida u pezullua për shkak të rrufeve dhe breshërit të madh duke pamundësuar vijimin e saj. Gjyqtari vendosi të çojë lojtarët në dhomat e zhveshjes derisa u stabilizua moti, për t’u rikthyer më pas në fushë, por që edhe minutat e mbetura nuk sollën diçka të re.
Pjesa e dytë kishte rezervuar golat. Në fillim ishin danezët që shënuan me Andersen, por goli u anullua për një pozicion jashtë loje miliketrik. Menjëherë pas këtij rasi, sulmi i Gjermanisë solli penalltinë e cila u kthye në gol nga Havertz. Më pas ishte Musiala në minutën e 68 që dyfishoi shifrat, duke siguruar kështu kualifikimin për në fazën tjetër.
