Austria ka arritur të bëjë surprizën në grupin C, pasi me triumfin ndaj Holandës ditën e sotme është kualifikuar në fazën tjetër si e para në grup. Austriakët kanë mundur me shifrat 3-2 Holandën pas një loje bindëse.
Ndeshja u zhbllokua në minutën e 6 të takimit pas një autogoli të Malen, teksa holandezët kishin vështirësi të gjenin rrjetën e portës kundërshtare. Goli për “tulipanët” erdhi në fillimin e pjesës së dytë me Gakpo. Por avantazhi i tyre zgjati vetëm pak minuta, pasi përsëri austriakët shënuan me Shmid.
Holandezët kërkuan sërish golin duke e gjetur me Depaj pranë fundit të ndeshjes, por edhe kësaj rradhe entuziazmi zgjati shumë pak, pasi Sabitzer tundi përsëri rrjetën nga ana tjetër dhe vulosi një fitore të shkëlqyer 3-2 që bën Austrinë kryesuese të grupit.
