Portugalia ka shfaqur të gjithë potencialein e saj të lojës në ndeshjen ndaj Turqisë, duke fituar me rezultatin e pastër 3-0.
Turqit nga ana tjetër bënë një paraqitje skandaloze në ndeshjen e dytë të grupit, me gafa të mbrojtjes dhe duke mos qenë e rrezikshme tek porta e portugezëve.
Bernardo Silva ishte ai që zhbllokoi rezultatin në minutën e 21-të. Më pas erdhi autogoli i Akaydin, që nuk u kuptuar me portierin Bayindir.
Me fillimin e pjesës s dytë, portugezët shënuan dhe të tretin me Ronaldon që u tregua altruist teksa ftoi për të shënuar me portën e zbrazët Bruno Fernandezin, në minutën e 56-të.
Kështu Portugalia arrin të kualifikohet për më tej, ndërsa Turqia mbetet në kuotën e 3 pikëve dhe do të luajë gjithçka në ndeshjen e fundit, atë përballë Çekisë.
