Gjeorgjia ka thyer çdo parashikim në Europianin e saj të parë, duke u kualifikuar në fazën e 1/8-ve, duke mposhtur me rezultatin 2-0 Portugalinë e Ronaldos. Gjeorgjianët kaluan në avantazh që në minutën e dytë me anë të Kvicha Kvaratskhelia dhe pastaj u mbrojt me rregull, duke thumbuar me kundërsulme.
Edhe në pjesën e dytë, pas një aksioni të shpejtë erdhi penalltia me të cilën Mikautadze dyfishoi shifrat, duke e siguruar kalimin në turin tjetër. Debutuesit e Europianit kalojnë tutje me 4 pikë si vend i 3-të, ndërsa portugezët kryesojnë me 6 pikë. Sa i takon sfidës, golat u realizuan nga Kvara dhe Mikautadze.
Ndërkohë në ndeshjen tjetër edhe Turqia ka arritur të sigurojë kualifikimin pas fitores 2-1 ndaj Çekisë. Pavarësisht rezultatit, turqit nuk zhvilluan një ndeshje bindëse. Çekët u ndëshkuan me karton të kuq, gjë që u dha mundësinë turqve ta kontrollonin lojën, duke kaluar të parët në avantazh. Por çekët nga ana tjetër nuk u dorëzuan leht, ku në minutën 66 gjetën golin e barazimit. U desh minuta e 94 që Turqia të siguronte fitoren, pas një goli të Tosun, duke siguruar kualikimin si e dyta në grup me 6 pikë.
