Sipas sondazheve të fundit, një parti gjermane e ekstremit të djathtë pritet të fitojë për herë të parë që nga viti 1945 në zgjedhjet rajonale.
Sondazhet e kryera nga transmetuesi shtetëror gjerman ZDF tregojnë se Alternativa për Gjermaninë (AFD), e themeluar në vitin 2013, është në rrugën e duhur për të fituar zgjedhjet parlamentare lokale në rajonin lindor të Turingisë. AFD parashikohet të marrë 33.5% të votave, duke lënë pas partinë konservatore Demokristiane (CDU), e cila pritet të marrë 24.5% të votave.
Alice Weidel, bashkëkryetarja e AFD-në, tha të dielën në një deklaratë: "Ky votim është një refuzim i qeverisë së koalicionit. Ky është një rezultat edhe më i fortë se në zgjedhjet e kaluara dhe rrjedhimisht, do të dalim më të fortë nga zgjedhjet. Është refuzim i këtij koalicioni dhe ata duhet të pyesin veten nëse mund të vazhdojnë të qeverisin. Duhet të shtrohet pyetja për zgjedhje të reja. Sepse nuk mund të vazhdojë kështu."
- Megjithatë, AFD ka të ngjarë të ketë vështirësi në formimin e një qeverie rajonale, pasi e ka të vështirë të krijojë aleanca me parti të tjera. Agjencia e inteligjencës gjermane e ka klasifikuar AFD-në si një parti me degë ekstremiste të krahut të djathtë, dhe kandidati kryesor i partisë në Turingia, Björn Höcke, është gjobitur dy herë për përdorimin e një slogani nazist.
