Pavarësisht zërave se gara për Drejtorin e Policisë së Shtetit është e paracaktuar dhe se konkursi është thjeshtë fiktiv, 15 zyrtarë të lartë kanë shprehur ambicien për të zënë postin e rëndesishëm që mbeti vakant pas largimit të Muhamet Rrumbullakut. Në mesin e kandidatëve janë edhe ata që njihen si zyrtarët e karrierës ose që kanë vite të gjata në Policinë e Shtetit si Idajet Faskaj, Neritan Nallbati, apo Rebani Jaupi e deri tek të rinjtë si Pëllumb Seferi, Skënder Hita e Altin Mena. Gjasat janë që kryepolici i ri të zgjidhet 3 emrave të fundit; Seferi, shef i marrëdhenieve me Jashtë në Policinë e Shtetit, Hita drejtor i policisë së Durrwsit dhe Mena, zv-drejtor i Policisë së Lezhës, për shkak se Ministri i Ri ka paralajmeruar se në Policinë e Shtetit do të sjellë një “frymë” të re. Në listën e kandidatëve edhe Shemsi Prenci, ish-zyrtar i lartë Policie, që në 10 vitet e fundit ka qenë jashtë radhëve të bluve. Ndërsa ka kandidatë siç është Rasha apo Tafçiu që kanë shpenzuar vitet e fundit në Akademinë e Policisë.
