Një ngjarje tragjike ka tronditur mbrëmë qytetin e Hasit, ku nënë e bir kanë humbur jetën pas përfshirjes nga flakët të shtëpisë së tyre. Sipas raportimeve të para, zjarri shpërtheu në orët e vona të natës, duke përfshirë banesën e tyre me shpejtësi.
Djali, në përpjekje për të shpëtuar nënën e tij, hyri sërish në shtëpi pasi kishte arritur të dilte jashtë për të shpëtuar. Fatkeqësisht, as ai nuk mundi t’i shpëtonte flakëve, duke përfunduar tragjikisht i vdekur së bashku me të ëmën.
Autoritetet kanë nisur hetimet për të përcaktuar shkakun e zjarrit, ndërkohë që zona është mbuluar nga dhimbja e banorëve, të cilët janë të tronditur nga humbja e dy jetëve.
