Sopranoja shqiptare e famshme në skenat ndërkombëtare, Ermonela Jaho, vazhdon të na bëjë krenarë me arritjet e saj. Së fundmi, ajo është vlerësuar në Madrid, Spanjë, me çmimin prestigjioz “Artistja më e Mirë e Huaj” për kontributin e saj të jashtëzakonshëm në artin e Lirikës dhe Kulturës në Spanjë.
Ky çmim erdhi pas interpretimit të saj mahnitës të operës “Sour Angélica” të Puccinit, në Gran Teatre del Liceu. Performanca e saj u prit me duartrokitje të gjata dhe vlerësime të shumta nga kritika dhe publiku, duke dëshmuar edhe një herë talentin e saj të rrallë në botën e operës.
Ermonela Jaho është një nga emrat më të njohur shqiptarë në skenën ndërkombëtare të operës. Me përkushtimin dhe talentin e saj të jashtëzakonshëm, ajo ka fituar respektin dhe admirimin e audiencave në të gjithë botën, duke u kthyer në një nga artistet më të vlerësuara të skenave operistike ku ka performuar.
