Deputetja e pavarur, Marjana Koçeku, e cila tashmë i ka ndërprerë marrëdhëniet me Partinë Socialiste dhe ka braktisur grupin e saj parlamentar, ka reaguar pas ngjarjeve të fundit ku u përfshinë studentët dhe forcat e rendit.
Përmes një reagimi publik në rrjetin e saj social Facebook, Koçeku ka dënuar me tonë të ashpra sjelljen e policisë ndaj studentëve, duke e cilësuar atë si të papranueshme dhe jashtë çdo kuadri ligjor e moral. Ajo ka bërë thirrje të menjëhershme për largimin nga detyra të ministrit të brendshëm, Ervin Demo.
"Kjo dhunë policore ka kalu çdo kufi. E dimë se nji pjesë e radhëve të policisë janë kriminela të rekrutuem, aq sa s’dallojmë ma policin prej kriminelit. Ata munden me të përndjekë e me ta thy edhe kambën.
Studentët tu qenë pjesa ma e brishtë e shoqnisë tonë, sot janë shtypë në mënyrën ma brutale. Ministri Ervin Demo asht vendos në atë pozicion se asht i vetmi që mundet me e marrë përsipër at lloj brutaliteti që ka ndodhë sot.
Duhet me ia kërku dorëheqjen qysh sot!"
