Komandanti i Forcave të Rendit në Shkodër, Fasli Rama, raportohet se ndodhet në gjendje të rëndë shëndetësore, pasi është goditur me gur në kokë nga protestuesit gjatë përplasjeve të dhunshme.
Incidenti vjen në një kohë kur protestat e studentëve dhe të rinjve kanë hyrë në ditën e tretë, duke u shoqëruar me tensione dhe akte dhune në disa zona.
Në Tiranë, protestuesit kanë shkaktuar dëme në institucione publike, biznese private dhe banka të nivelit të dytë. Gjatë tubimeve janë regjistruar zjarrvënie dhe shkatërrime të pronës, ndërsa përplasjet me forcat e rendit kanë përshkallëzuar më tej situatën.
Goditja e komandantit Fasli Rama përbën një nga incidentet më të rënda të raportuara ndaj punonjësve të policisë gjatë këtyre protestave.
