Në prag të Vitit të Ri 2025, Kryeministri Edi Rama ka komentuar mbi proceset politike dhe reformat që po realizohen në vend, duke theksuar se gjithçka ka qenë e udhëhequr nga qeveria shqiptare dhe me dy vija të kuqe të padiskutueshme: SHBA dhe Bashkimi Evropian.
Rama theksoi se ka pasur një qëndrim të qartë dhe se çdo reformë ka pasur këto dy linja të drejtpërdrejta që, sipas tij, duhet të mbrohen për çdo çmim. “Po nuk u preken këto vija të kuqe, unë e votoj pa diskutim,” tha Rama, duke shtuar se ai ka pritur gjithçka që ka ndodhur, qoftë pozitive apo negative, dhe se gjithçka ka për qëllim ngritjen e një sistemi të ri gjyqësor.
Në lidhje me pyetjen për ndryshimet e mundshme, ai theksoi se nuk ka asnjë ngut dhe se komisioni përkatës do të vazhdojë të punojë edhe në mandatin tjetër. “Nëse do të ndryshohet diçka për regullat e reformës, do ta shohim dhe aty do të diskutohet gjithçka,” përfundoi Rama.
