Kryetari i Lëvizjes “Bashkë”, Arlind Qorri, duke folur për mbylljen e platformës TikTok nga ana e qeverisë, bëri një paralelizëm me emisionin Big Brother në Top Channal. Qorri tha se Big Brother është një program që promovon degradimin e rrjeteve sociale, duke thënë se merr VIP-at e dorës së dytë dhe i fut aty për t’u zënë me njëri-tjetrin.
Për këtë ai ngre një pikpyetje se pse Edi Rama nuk mbyll Top Channel, njësoj si TikTok?
“Produksioni më i famshëm është Big Brotheri. Big Brotheri është ai që reklamohet gjithandej. Merr vipa të dorës së dytë që rrinë dhe zihen me njëri-tjetrin. Dhe pastaj e ka fajin për degradimin e rrjeteve sociale e ka fajin TikToku! Pse se ka fajin Top Channal, pa më thoni ju mua? Thuaji Edi Ramës, këtij ajatollahut që merret me delirësinë morale të të rinjve, le të shkojë të mbyllë Top Channal mo vlla” – u shpreh Arlind Qorri.
