SPAK po heton për pastrim parash, dy ish-zyrtarët e lartë të Bashkisë së Tiranës, Redi Molla dhe Mariglen Qato. Fakti u bë i ditur gjatë një seancë ditën e sotme, ku u shqyrtua një kërkesë e avokatëve për shuarjen e afateve të paraburgimit, për shkak se kanë kaluar 6 muaj. Por prokurori Klodian Braho këmbënguli në rrëzimin e kërkesës, për shkak se ai tha që po i heton edhe për pastrim parash dhe sipas ligjit afati i paraburgimit është 12 muaj.
Redi Molla e Mariglen Qato akuzohen pwr korrupsion, shpwrdorim detyre e fshehje pasurie. Sipas SPAK nga hetimet u zbulua se janë pronarët de facto të kompanisë 5D që merrte tendera pranë Bashkisë së Tiranës ku të dy drejtonin drejtori të rëndesishme. Për aferën 5D është nën arrest dhe Taulant Tusha, ndërsa zyrtarë të tjerë nën masa të lehta sigurie si detyrim për paraqitje apo pezullim nga ushtrimi i detyrës.
