Ka 10 vjet që ajo urë është për rindërtim. Qeveria nuk e ka përfshirë në buxhet, deputetët e PS nuk e kanë çuar një copë letër ku t'i kërkojnë qeverisë rindërtimin e saj. Deputetët e PD, as e kanë kërkuar të futet në buxhet, as janë ankuar pse spo futet në buxhet, as e kanë "denoncuar" shkatërrimin e saj.
Edhe mbylljen e kanë marrë vesh nga media. Fundja pse të lodhen, iu ka ecur qyli, deputetë pa bërë asnjë ditë aktivizëm politik e komunitar. Tani vjen puna në pikë kritike; mbyllet ura sepse ka rrezik. Mirëpo është sezon turistik, trafiku shtohet shumëfish dhe ajo urë bëhet më e nevojshme se në çdo stinë tjetër të vitit. Çfarë ndodh? Një deputet i PS kishte marrë me vete grup inxhinierësh për të bërë ndërhyrje emergjente.
Eksponentët e PD në rresht për të justifikiar rrogën, na thanë se krimi, droga, overdoza, korrupsioni etj. kanë gërryer këmbët e urës. Rezultati është, dëm në ekonominë e qarkut, naftë më shumë, stres më shumë, kaos, trafik. Për çfarë? Për mungesë totale kompetence politike, administrative-shtetërore, për mungesë përgjegjësie qytetare. Askush ska plan politik për të parandaluar dëmet. Janë të gjithë si vajtues me pagesë që kur vdes tjetri, ata shkojnë e qajnë e, vetëm kaq. Një shtet ka nevojë për politikanë përfaqësues dhe për administratorë shtetërorë. Sa për vajtues, vajton populli vetë, ska nevojë për vajtues me pagesë.
