Gjykata e Beratit ka lënë në burg 3 personat e ndaluar si të dyshuar për futjen në treg të 21 ton mandarinave të ndaluara për konsumim, të kthyer nga Kroacia. Gjykata la në fuqi masën e sigurisë “arrest me burg” për Arben Dyli, eksportues, Elton Tafaj, fermer dhe Elson Tahiraj inspektor i shtetit.
Gjatë seancës, avokatët mbrojtjës i quajtën të ndaluarit viktima te luftës tregtare të konkurencës me qëllim dëmtimin e tregtarëve vendas.
Madje avokati mbrojtës i Arben Dylit hodhi dyshime në vërtetësinë e analizave të shtetit kroat.
Në fjalën e tij, eksportuesi Arben Dyli tha se nuk e dinte që duhej njoftuar AKU pasi iu kthye produkti i mandarinës. Ai u shpreh se ka njoftuar fermerët të merrnin mallin mbrapsht.
Fermeri i arrestuar Elton Tafa u shreh se i është bërë padrejtësi nga AKU pasi i ka treguar që mandarinat ishin prishur, kalbur, ndaj i hodhi ne landfilldin e Dimalit.
