I akuzuari për vrasje me paramendim dhe i përfshirë në dosjen “plumbi i artë”, Petrit Qoli, ka hedhur akuza ndaj bashkëpunëtorit të drejtësisë, Nuredin Dumani, gjatë një seance gjyqësore. Dumani nuk u paraqit në gjykatë për arsye shëndetësore.
Nga qelia e xhamit, Qoli u shpreh se ndonëse mbështet SPAK-un dhe GJKKO-në, ai ndjen padrejtësi për trajtimin e tij krahasuar me Dumanin.
“Si çdo shqiptar dhe ata të diasporës, jam i lumtur për SPAK dhe GJKKO. Por Dumani, si vrasës me pagesë, shijon jetën jashtë sallës, ndërsa ne baltosemi. Ai do Coca-Cola, palestër dhe femra. Jam dobësuar 40 kg, jemi në burg kot. Ai është mongol leshator, do bëhemi si Nuredini do vrasim 5-6 vetë dhe 5 milion euro të geoposura, dalim dhe marrim statusin"
Ai tha se ka qenë besimtar për 25 vite dhe shpreson që drejtësia t’i heqë “balten” e akuzave. “Kam frikë se do vdes nga veremi, jo nga burgu,” shtoi ai.
Gjykata vendosi të pezullojë afatin e paraburgimit për të gjithë të akuzuarit deri në seancën e radhës, e cila do të mbahet më 4 mars.
