Fredi Beleri është rikthyer në Shqipëri, këtë herë si pjesë e delegacionit të komitetit parlamentar të stabilizim asociimit mes Shqipërisë dhe BE-së, takim i cili mbahet sot më 29 tetor në Tiranë. Në cilësinë e eurodeputetit, Beleri është pjesë e delegacionit të përbërë prej 10 deputetësh të Parlamentit Europian. Në axhendën e plotë të delegacionit, i cili përfshin edhe takimin me kryeminsitrin Edi Rama, gjatë vizitës 3 ditore, në datat 29, 30 dhe 31 tetor, do të zhvillojnë takime edhe me Kryeparlamentaren Elisa Spiropali, Ambasadorin e BE-së, Silvio Gonzato, Ministrin e Shtetit për Marrëdhëniet me Parlamentin Taulant Balla, dhe përfaqësues të shoqërisë civile. Mbetet ende e paqartë nëse është takuar me Ramën por Kuvendi i Shqipërisë është treguar hakmarrës duke i mbyllur derën Belerit. Eurodeputeti është gjendur në situatë tepër të sikletshme dhe i pyetur nga media, ai ka preferuar të heshtë.
