Një avion i vogël u përplas me një ndërtesë tregtare në Kaliforni të enjten pasdite, duke shkaktuar vdekjen e dy personave dhe plagosjen e 18 të tjerëve. Ngjarja ndodhi pranë aeroportit komunal Fullerton, rreth 40 kilometra në juglindje të Los Anxhelosit.
Përplasja, që ndodhi në një fabrikë mobiljesh, detyroi evakuimin e rreth 100 personave. Dhjetë të plagosur u shtruan në spital, ndërsa tetë të tjerë morën trajtim mjekësor në vendngjarje. Hetuesit po punojnë për të përcaktuar nëse viktimat ishin pasagjerë të avionit apo punëtorë të fabrikës.
Kongresmeni Lou Correa tha se incidenti është një tjetër goditje për zonën e Orange County, e cila ka parë ngjarje të ngjashme. Në nëntor, një tjetër avion u përplas me një pemë afër vendit të aksidentit të fundit. Shkaku i përplasjes së djeshme mbetet ende i panjohur, ndërsa hetimet vazhdojnë./BBC
