Jetmir Llani, një ish i dënuar për vrasje u vu në pranga, pasi dyshohet se shantazhonte biznesmenët dhe iu vinte gjoba. Burimet thonë se në rastet kur biznesmenët nuk paguanin, Llani i detyronte ta mbyllin aktivitetin.
Jetmir Llani është dënuar për vrasjen e Arjan Shkretës dhe plagosjen e vëllait të tij, Leli Shkreta, ngjarje e ndodhur 4 nëntor të vitit 2012 në fshatin Fushë-Mamurras, të Kurbinit.
Referuar vendimeve gjyqësore, rezulton se motivi i krimit është gjakmarrja.
Më 5 qershor 2012, dyshohet se Altin dhe Alban Shkreta, vëllezër të viktimës Arjan Shkreta dhe të të dëmtuarit Leli Shkreta, kanë qëlluar ndaj disa anëtarëve të familjes Llani, duke lënë të vrarë djalin e mitur të Jetmir Llanit. Pas vrasjes së djalit, ai mori gjak, duke vrarë Arjan Shkretën e duke plagosur të vëllain.
Pas lirimit nga burgu, Jetmir Llani ishte përfshirë sërish në kriminalitet dhe dyshohet se vinte gjoba bizneseve.
