Edmir Duraku, djali i biznesmenit të njohur, Shyqyri Duraku, është arrestuar nga policia e Tiranës, pasi është kapur me një sasi kokaine.
Burime policore kanë qenë tejet të rezervuara për të dhënë detaje rreth arrestimit. Edmir Duraku u paraqit këtë të hënë në Gjykatën e Tiranës, dhoma penale për masë sigurie. Ai është djali i biznesmenit Shyqyri Duraku, që zotëron pesë kompani, kryesisht në fushën e përpunimit të naftës, por edhe të hoteleri-turizmit, njëherazi edhe vëllai i ish-deputetes së Partisë Socialiste, Gerta Duraku.
