Gjykata e Posaçme vendosi që masa e sigurisë "arrest në burg" për Edison Mucekun, të vijojë. Ai akuzohet për "sigurim kushtesh për të kryer vrasje" në dëm të Hamza Terziut, në maj 2020 në Bulqizë.
Në sallën e gjyqit Muceku ka mohuar akuzën.
Edison Muceku u ekstradua pak ditë më parë nga Britania e Madhe, vend në të cilin ishte arrestuar në janar të 2025.
Emri i Edison Mucekut ishte pjesë e listës së megaoperacionit të SPAK në maj të vitit 2024, ku u lëshuan 50 urdhër arreste për emrat më të njohur të botës së krimit në vend.
