Një zënkë mes djalit të autorit dhe dy personave, Lavdosh dhe Gramos Kurtaj, u ka kushtuar jetën këtyre dy të fundit.
Altin Kuka ka qëlluar me breshëri plumbash ndaj xhaxhait dhe nipit duke shkaktuar edhe tragjedinë në Roskovec.
Ata janë qëlluar për vdekje me breshëri plumbash nga 49-vjeçari Kuka.
Sot autori i vrasjeve, Altin Kuka, 49 vjeç ka dalë nga shtëpia me armën e zjarrit kallashnikov dhe ka mbërritur në lokalin ku ndodheshin viktimat.
Lavdosh dhe Gramos Kurtaj, xhaxha e nip ndodheshin në lokalin pronë e tyre në qendër të fshatit Kurjan të Roskovecit, kur janë ekzekutuar nga Kuka.
Shkak për ngjarjen dyshohet se ka qenë një sherr i nisur mes fëmijëve, duke degjeneruar në përdorimin e armës së zjarrit nga Altin Kuka.
Viktimat kanë ndërruar jetë në spital, ku u dërguan me urgjencë pas të shtënave.
