Një ngjarje e rëndë ka ndodhur pas mesnate në lagjen nr. 18 të qytetit të Durrësit, ku është qëlluar me armë zjarri shtetasi Ermir Dedja, 29 vjeç, i cili fatkeqësisht ka ndërruar jetë në spital si pasojë e plagëve të marra.
Ngjarja ka ndodhur rreth orës 00:50 dhe ka sjellë reagimin e menjëhershëm të forcave të Policisë, të cilat kanë shkuar në vendngjarje dhe po kryejnë kontrolle intensive për kapjen e autorit ose autorëve të dyshuar.
Njoftimi
Durrës/Informacion paraprak
Më datë 20.05.2025, në orën 00:50, në lagjen nr. 18 Durrës, është qëlluar me armë zjarri shtetasi E. D., 29 vjeç, i cili ka humbur jetën në spital.
Në vendngjarje kanë shkuar shërbimet e Policisë dhe po vijojnë kontrollet për kapjen e autorit/ve.
Është ngritur një grup i posaçëm hetimor dhe nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve.
