Avokati i familjes së Martin Canit, 14-vjeçarit që u godit për vdekje me thikë nga bashkëmoshatari i tij pranë shkollës "Fan Noli", ka bërë thirrje për drejtësi dhe transparencë të plotë mbi ngjarjen tragjike. Ai theksoi se familjarët e viktimës kërkojnë zbardhjen e plotë të ngjarjes dhe janë përballur me kontradikta dhe paqartësi nga organet hetimore.
Sipas avokatit, ka paqartësi në lidhje me numrin e autorëve të përfshirë. Fillimisht u raportuan tetë autorë, ndërsa tani flitet për tre. Ai gjithashtu kërkoi që dëshmitë e dëshmitarëve, përfshirë fëmijët e plagosur, të merren në konsideratë me seriozitet. Një pikë tjetër e rëndësishme që ai ngriti ishte mungesa e qasjes së familjes në pamjet filmike të kamerave të sigurisë dhe kërkesa për hetim të mundësisë së përfshirjes së të rriturve në këtë ngjarje tragjike.
Ngjarja ka ndodhur më 18 tetor, kur Martin Cani humbi jetën pasi u godit me thikë nga bashkëmoshatari i tij, Mario Përlleshaj, pas një konflikti mes të miturve. Pas goditjes, 24-vjeçari ndërroi jetë në spital. I plagosur ka mbetur edhe një tjetër shok i ngushtë i viktimës i cili la spitalin ditën e sotme.
