- Kamerat fiksuan momentin kur plumbi i kalon afër kokës. E vranë një javë më vonë
Eduart Reçi, i mbijetoi një atentati mbrëmjen e 8 nëntorit. Ai ndodhej në të njëjtin vend kur u vra më vonë, kur dyshohet se oficeri i policisë gjyqësore qëlloi mbi të, por plumbi nuk e kapi, ndonëse i kalon shumë pranë kokës. Policia ka sekuestruar pamjet filmike, kur plumbi prek murin, por Reçi vazhdon duke pirë cigare i pashqetësuar. Në të njëjtin vend, ai u ekzekutua disa ditë më vonë me një plumb në kokë në një distancë prej të paktën 50 metrash. Hetuesit kanë zbuluar se Shkëlqim Dukaj ka qëlluar nga shkallët e emergjencës së një hoteli e prej andej ka shfrytëzuar një tunel që e nxirrte në lokalin e tij, pa u fiksuar nga kamerat e sigurisë. Eduart Reçi dyshohet se u ekzekutua nga vëllezërit Shkëlqim e Florian Dukaj, me të cilët ishte në konflikte pronësie.
