Gjykata e Tiranës caktoi masën e "arrestit në shtëpi" për Drilon M., pasi dyshohet per vjedhjen e një thesi me arra në një dyqan fruta-perimesh në Tiranë. Ai është denoncuar nga pronarët e biznesit të cilët kanë parë nga kamerat e sigurisë që 35-vjecari kishte marrë thesin me arra dhe më vonë shkoi të vidhte edhe banane.
Në seancë Drilon M., deklaroi se ka qenë i dehur dhe nuk mban mend asgjë. "Kërkoj ndjesë"- tha ai. Avokatja e tij kërkoi masë të lehtë sigurie pasi tha se klienti i saj është penduar si dhe është i padenuar më parë. Gjykata vlerësoi ta lërë në arrest shtëpie.
