Gazeta lokale greke "Corfupress" në një artikull ku ngren shqetësimin e ujit të pijshëm në zonën e Korfuzit dhe Lefkadës, duket se zgjidhjen Greqia e ka gjetur me ujërat e Shqipërisë.
Sipas mediave vendase, në Korfuz, me iniciativën e Guvernatorit të qarkut Yiannis Trepeklis në bashkëpunim me kryetarët e bashkive si dhe me ndërhyrje në pushtetin qendror, kërkohen “rrugëzgjidhje” me një tubacion nga Greqia kontinentale, ndërsa në Lefkada, tubacioni ekzistues që furnizon ishullin, thuajse është jashtë funksionit.
Pas problematikës me ujë të pijshëm, sipas gazetës thuhet se kanë marrë “dritën jeshile” për të parë si zgjidhje premtuese, marrjen e ujit përmes një tubacioni nënujor drejt Korfuzit nga burimet në Syrin e Kaltër të Shqipërisë.
Në mediat greke thuhet që për këtë projekt nuk do të ndikojnë tensionet që janë për momentin mes dy vendeve. Qeveria greke e konsideron këtë projekt si mundësi e bashkëpunimit ndërshtetëror
Në mediat greke gjithashtu përmendet edhe furnizimi i Italisë së Jugut nga burimet ujore të Gjirokastrës, me një projekt që diskutohet kohët e fundit në programet trans-evropiane të financuar nga qeveria italiane, për ndërtimin e një tubacioni nënujor 85 km të gjatë me një kosto prej rreth 1 mld euro.
