Një ngjarje e raportuar si aksidentale në Zall-Bastar ka rezultuar të jetë vrasje.
Policia njoftoi se Xhemal Meta ka rezultuar të jetë goditur për vdekje me sende të forta
Njoftimi
"Në vijim të informacionit të dhënë me datë 13.01.2025, i cili bën fjalën për gjetjen pa shenja jete të shtetasit Xh.M, në oborrin e banesës së tij, në Zall-Bastar, ju bëjmë me dije se:
Nga tërësia e veprimeve hetimore paraprake si dhe ekzaminimit mjeko-ligjor ka rezultuar se shtetasi Xh.M, ka dëmtime në pjesën e pasme të kokës, të dyshuara të shkaktuara nga goditje me sende të forta", njoftoi policia.
Paraprakisht, në lidhje me këtë ngjarje nga ana e DVP Tiranë, janë referuar materialet në Prokurori, për veprën penale “Vrasje me dashje”.
Grupi hetimit po punon për të identifikuar autorin e dyshuar të krimit si dhe motivet.
