Ditën e sotme është publikuar edhe fotoja e 30-vjeçarit Kristian Marku, i cili u ekzekutua mbrëmjen e së hënës në autostradën Vlorë-Fier. Marku ishte në Tiranë, para se të shkonte në Vlorë. Ai ka lëvizur i vetëm me automjetin e tij për në Vlorë dhe mësohet se viktima ka një të afërm e tij në atë qytet. Por ende nuk dihet se kë po shkonte për të takuar atje. Mësohet se targat e automjetit të atentatorëve rezultojnë të vjedhura disa ditë më parë, po në qytetin e Vlorës. Targat i përkasin një oficeri policie, ndërsa për makinën e autorëve ende po hetohet ku është vjedhur.
