Ministrja e Shëndetësisë, Albana Koçiu ka reaguar pas skandalit në spitalin e Onkologjikut ku mjekët kishin ndërtuar një skemë zhvatjeje ndaj të sëmurëve me tumor.
Koçiu, duke ndjekur parimin e kryeministrit me “kumbullat pas shpine”, është mjaftuar se të gjithë personat e përfshirë janë shkarkuar duke mos marrë përgjegjesi për skandalin në fjalë.
“Ngjarja e sotme patjetër që të krijon një neveri të madhe. Mbi të gjitha kur bëhet fjalë për jetë njerëzish. Mbi të gjitha kur flasim për punonjësit e sistemit të shëndetësisë të cilët misionin e tyre primar kanë humanizmin, shpëtimin e jetëve të njerëzve. Është një ngjarje e paprecedentë. Jam e neveritur nga kjo histori. Të gjithë personat përgjegjës do të ndëshkohen sipas ligjit, sipas procedurave administrative dhe të jetë e qartë njëherë e përgjithmonë që këta lloj personash nuk mund të ndosin bluzat e bardha, nuk mund përfaqësojnë bluzat e bardha që punojnë me profesionalizëm në të gjithë Shqipërinë dhe këta persona nuk kanë vend në sistemin shëndetësor” - tha Koçiu.
